Reshjet e breshërit dhe dëborës kanë krijuar probleme serioze në qarkullimin rrugor në Qarkun e Shkodrës, duke bllokuar përkohësisht edhe familje me fëmijë.
Situata më e vështirë është shënuar në aksin nga Buni i Bajraktarit drejt Koplikut, ku qindra automjete kanë pasur vështirësi në lëvizje për shkak të ngricave.
Policia Rrugore dhe mjetet borëpastruese kanë ndërhyrë për normalizimin e qarkullimit, ndërsa qytetarëve u kërkohet të shmangin lëvizjet e panevojshme dhe të ndjekin udhëzimet e autoriteteve.
