Reshjet e shiut dhe era kanë shkaktuar rrëshqitje gurësh dhe inertesh në disa akse rrugore të Qarkut Kukës, por pastrimi dhe kriposja e rrugëve nga subjektet kontraktore ka mundësuar qarkullimin normal.
Të gjitha akset rrugore nacionale janë të kalueshme, ndërsa nuk ka pasur probleme të tjera emergjente në bashkitë Kukës, Has dhe Tropojë.
Pjesa më e madhe e Qarkut Kukës ka furnizim normal me energji elektrike, ndërsa disa njësive administrative kanë mbetur pa energji.
Furnizimi me ujë po vijon sipas orareve të përcaktuara. Autoritetet vazhdojnë të monitorojnë situatën.
