Qeveria e Venezuelës ka akuzuar SHBA-në për sulmet e ndodhura mëngjesin e sotëm në një bazë ushtarake në kryeqytetin Karakas dhe në tri shtete të tjera, Miranda, La Guaira dhe Aragua.
Në orët e para të së shtunës, shpërthime, zhurma të forta dhe avionë fluturuan në ajër, duke shkaktuar frikë dhe panik mes qytetarëve.
“Objektivi i vetëm i këtij sulmi është të marrë kontrollin e burimeve strategjike të Venezuelës, në veçanti të naftës dhe mineraleve të saj. Ky akt është një shkelje flagrante e ligjit ndërkombëtar që vë në rrezik miliona jetë. I gjithë vendi duhet të mobilizohet për të mposhtur këtë agresion.”
