Zv/presidentja e Venezuelës, Delcy Rodriguez, ka kërkuar prova për jetën dhe vendndodhjen e presidentit Nicolás Maduro, pas deklaratave të presidentit amerikan, Donald Trump, i cili njoftoi se Maduro dhe bashkëshortja e tij ishin arrestuar dhe nxjerrë jashtë vendit nga SHBA.
Trump tha se operacioni ishte kryer në bashkëpunim me forcat ligjzbatuese të SHBA-së dhe do të jepeshin më shumë detaje në një konferencë për shtyp.
Raportet fillestare tregojnë se bazat ushtarake të Venezuelës, si Fort Tiuna dhe La Carlota, ishin goditur nga sulmet ajrore amerikane, ndërsa porti i kryeqytetit gjithashtu ishte prekur.
Ministri i Mbrojtjes i Venezuelës, Vladimir Padrino López, shpalli një gjendje emergjence në vend dhe bëri thirrje për unitet dhe rezistencë kundër agresionit të SHBA. Ai theksoi se të gjitha forcat e armatosura do të vepronin sipas urdhrave të presidentit Maduro.
