Pas arrestimit të presidentit Nicolás Maduro, situata në Karakas ka filluar të qetësohet, ndërsa venezuelianët kanë shprehur reagimet e tyre të ndryshme.
Shpresë, frikë dhe pasiguri janë ndier në mesin e qytetarëve, të cilët kanë dalë në sheshe për të festuar arrestimin e liderit të tyre. Me flamuj të Venezuelës dhe të SHBA, ata kanë shprehur lumturinë e tyre, edhe pse ende mbetet e paqartë se si do të zhvillohet situata në vendin e tyre.
Po ashtu, venezuelianët në Buenos Aires mblodhën dje pranë obeliskut të qytetit për të festuar operacionin ushtarak amerikan që çoi në arrestimin e Madurós.
Dina, një banore e Buenos Aires, shprehu mirënjohjen ndaj SHBA-së për largimin e Madurós, duke thënë se tani “mund të shohë përsëri pak dritë në fund të tunelit.”
