Mbrëmjen e djeshme, pesë individë, përfshirë dy punonjës të Policisë së Shtetit, kërkuan ndihmë mjekësore në Spitalin Universitar të Traumës pas konfrontimeve gjatë protestës në Tiranë.
Njëri prej efektivëve ka lënë spitalin pas trajtimit, ndërsa tjetri vazhdon të qëndrojë nën kujdesin e mjekëve për shkak të lëndimeve.
Po ashtu, Adriatik Lapaj, udhëheqësi i lëvizjes “Shqipëria Bëhet”, është shtruar në spital për ndihmën e nevojshme. Pas ekzaminimeve mjekësore, është konfirmuar se ndodhet jashtë rrezikut për jetën, por do të vijojë trajtimin.
Dy protestues të tjerë gjithashtu morën ndihmë dhe janë liruar nga spitali pas trajtimit të plagëve të lehta, dhe gjendja e tyre shëndetësore është përmirësuar.
