Pasuria e presidentes Vjosa Osmani u raportua se do t’i nënshtrohet një verifikimi nga ana e Agjencisë për Parandalimin e Korrupsionit. Këshilltar i presidentes, Bekim Kupina ka deklaruar për Telegrafin se presidentja mirëpret çdo verifikim nga cilido institucion.
“Presidentja Osmani mirëpret çfarëdo verifikimi nga cilido institucion, që është i bazuar në pavarësi, paanshmëri, integritet, ligj dhe fakte të vërteta, por jo në fushata njollosjesh, të cilat dihet mirëfilli pse po ndodhin në këtë fazë”, tha Kupina.
Agjencia për Parandalimin e Korrupsionit ka bërë të ditur se në këto momente nuk mund të japin asnjë koment mbi këtë çështje, duke mos e konfirmuar e as mohuar një procedurë të mundshme ndaj presidentes.
