Presidenti i Partisë së Lirisë, Ilir Meta, ka reaguar ashpër lidhur me situatën e përmbytjeve të shkaktuara në Durrës, duke e cilësuar këtë si pasojë të korrupsionit të organizuar nga autoritetet lokale dhe qendrore.
Në një postim të tijin, Meta akuzon Bashkinë e Durrësit dhe Qeverinë për keqmenaxhimin e burimeve dhe investimeve të gabuara në infrastrukturë, të cilat janë përcjellë me pasoja tragjike për qytetarët e Durrësit.
“Durrësin nuk e përmbyti shiu, por korrupsioni i organizuar i një bande kusarësh në Bashki dhe në Qeveri, të cilët përpinë mbi 46 milion euro në të ashtuquajtura investime për rrjetin e ujësjellës-kanalizimeve dhe hidrovore, që nuk punojnë. Këta kusarë janë përgjegjës për dëmet e shumta materiale që mijëra familje shqiptare në Durrës pësuan sot nga hajdutëria ‘rilindase’.”
