Reshjet e dendura të shiut kanë shkaktuar përmbytje në disa segmente të autostradës Durrës–Tiranë, duke vështirësuar ndjeshëm qarkullimin e automjeteve. Si pasojë, është krijuar trafik i rënduar dhe lëvizja e mjeteve po bëhet me shpejtësi të ulët.
Drejtuesit e automjeteve raportojnë vështirësi në kalim, ndërsa në disa pika uji ka mbuluar pjesërisht korsitë e rrugës. Autoritetet rrugore dhe policia ndodhen në terren për të menaxhuar situatën dhe për të orientuar trafikun.
U bëhet thirrje qytetarëve të tregojnë kujdes të shtuar gjatë lëvizjes dhe, nëse është e mundur, të shmangin këtë aks deri në përmirësimin e kushteve të motit.
