Kryeprokurori i SPAK Klodian Braho ka mbledhur sot prokurorët e posaçëm për një takim që nisi në orën 8.30.
Ai është prezantuar me trupën prej 19 prokurorësh të posaçëm. Klodian Braho ka prezantuar edhe lëvizjet qe firmosi javën e kaluar.
Ai vendosi shefat e tre sektorëve, Vladimir Mara për hetimin e krimit të organizuar, Dorina Bejkon për hetimin e korrupsionit dhe Altin Dumanin shef sektori për marrëdhëniet juridiksionale me jashtë.
Braho iu ka kërkuar kolegëve hetime efikase, të japin rezultate për dosjet e vjetra dhe të mbartura dhe që siç është shprehur Braho më tej “kanë krijuar backlog”.
