Reshjet e dendura të shiut në Pogradec kanë përkeqësuar situatën, duke shkaktuar vërshime të përroit të Saselishtës.
Inertet kanë mbuluar rrugën kryesore pranë “Gurit të kuq” dhe kanë bllokuar një nga tubat shkarkues të liqenit.
Si pasojë, njëra prej korsive në aksin Pogradec-Qafë Thanë është bllokuar, duke e bërë lëvizjen më të vështirë për automjetet. Autoritetet vijojnë punën për pastrimin e rrugës dhe rikthimin e normalitetit.
