Ministrja e Brendshme, Albana Koçiu, njoftoi angazhimin e strukturave të emergjencës pas përmbytjeve masive që kanë prekur vendin.
Ajo theksoi se rreth 5,500 punonjës të Policisë së Shtetit, të mbështetur nga mbi 720 efektivë të shërbimit zjarrfikës, janë në terren për të ofruar ndihmë.
“Janë angazhuar rreth 5,500 punonjës të Policisë së Shtetit, të mbështetur nga mbi 720 efektivë të shërbimit zjarrfikës. Institucionet kanë qenë në gatishmëri të plotë dhe përmes koordinimit dhe pranisë në terren, ka qenë e mundur të ofrohet ndihma për qytetarët që kanë pasur nevojë për evakuim apo ndërhyrje emergjente”, theksoi Ministrja Koçiu. Ajo shtoi gjithashtu se Policia e Shtetit ka vënë në dispozicion rreth 700 mjete, ndërkohë që forcat zjarrfikëse kanë përdorur 5 automjete dhe 22 pompa thithëse në zonat më problematike.
