Presidenti i SHBA-së, Donald Trump, tha të premten se kishte anuluar një valë të dytë sulmesh ndaj Venezuelës, pasi vendi i Amerikës së Jugut bashkëpunoi. Trump tha se SHBA-të dhe Venezuela po punojnë mirë së bashku, duke shtuar se të paktën 100 miliardë dollarë do të investohen nga kompanitë e mëdha të naftës në vend. Ai vuri në dukje, megjithatë, se të gjitha anijet cisternë në Venezuelë “do të mbeten në vend për arsye sigurie”.
Presidenti amerikan tha gjithashtu se Venezuela kishte liruar një numër të madh të të burgosurve politikë në shenjë të “kërkimit të paqes” pas operacionit dramatik ushtarak amerikan javën e kaluar që rezultoi në arrestimin e Presidentit Nicolas Maduro.
“Ky është një gjest shumë i rëndësishëm dhe i zgjuar. Shtetet e Bashkuara dhe Venezuela po punojnë mirë së bashku, veçanërisht në aspektin e rindërtimit, në një formë shumë më të madhe, më të mirë dhe më moderne, të infrastrukturës së tyre të naftës dhe gazit”, tha Trump për Truth Social.
“Për shkak të këtij bashkëpunimi, kam anuluar Valën e dytë të Sulmeve të pritura më parë, e cila duket se nuk është e nevojshme, megjithatë, të gjitha anijet do të mbeten në vend për arsye sigurie”, shtoi ai në një postim.
