Presidenti amerikan Donald Trump përdori tone tepër pozitive ndaj homologut të tij kinez Xi Jinping gjatë takimit të zhvilluar në Pekin.
Trump e cilësoi marrëdhënien mes SHBA-së dhe Kinës si “fantastike” dhe shprehu respekt të madh për liderin kinez dhe për vendin e tij, ndërsa nënvizoi potencialin për një bashkëpunim më të fortë në të ardhmen.
“Është nder të jem me ju. Është nder të jem miku juaj, dhe marrëdhëniet mes Kinës dhe SHBA-së do të bëhen më të mira se kurrë. Së bashku do të kemi një të ardhme të mrekullueshme,” deklaroi presidenti amerikan gjatë fjalës së tij në Pallatin e Madh të Popullit. Ai gjithashtu përshkroi Xi Jinping si një “lider të madh” dhe theksoi pritshmërinë për bisedimet për tregtinë dypalëshe.
