Në një reagim të fortë ndaj qeverisë dhe kryeministrit Edi Rama, deputeti Klevis Balliu ka kritikuar ashpër qeverisjen për menaxhimin e dobët të infrastrukturës dhe përmbytjet e fundit që goditën Shqipërinë.
Ai ka akuzuar qeverinë se përmbytjet që kanë shkaktuar dëme të mëdha në shumë qytete dhe fshatra nuk janë rezultat i reshjeve të shiut, por i korrupsionit dhe ndërtimeve pa kriter që kanë bllokuar rrugët dhe kanalet kulluese.
Sipas tij, kjo situatë është pasojë e keqmenaxhimit dhe pastrimit të parave, si dhe i abuzimeve me fondet publike për projektet e infrastrukturës.
Postimi i plotë
Përgjigje për hajdutin e Kristaqit:
Së pari, mos u merr me mua, por merru me shqiptarët që sot janë përmbytur.
Shtëpitë e tyre janë nën ujë, bizneset e tyre janë shkatërruar jo nga shiu, por nga vjedhjet dhe korrupsioni yt, si edhe nga pastrimi i parave të drogës, që kanë mbushur qytetet me pallate pa kriter dhe kanë bllokuar çdo kanal kullues.
Së dyti, u ke borxh shpjegim qytetarëve shqiptarë:
pse rrugët e tua, me kilometrin më të shtrenjtë në botë, shkatërrohen me dy pika shi, si në rastin e rrugëve Qukës–Qafë Plloçë, Korçë–Ersekë, Unaza e Burrelit dhe rruga e Tunelit të Llogarasë.
Dhe së fundi, mos u merr me familjen time.
Në fund të ditës, unë jam djali i një gazetari dhe i një shkrimtari,
ndërsa ti je djali i një vrasësi.
