Një tërmet i fortë me magnitudë 5.1 ballë u regjistrua këtë mëngjes në brigjet e Kalabrisë, në orën 5:53.
Lëkundjet sizmike u ndjenë në qytetet e Reggio Calabria dhe Messina, si dhe në zona të tjera të Siçilisë dhe Kalabrisë.
Epiqendra e tërmetit ishte pranë bregdetit Jon, në një thellësi prej 65 kilometrash.
Sipas autoriteteve, edhe pse tërmeti ndodhi në det, nuk janë raportuar dëme. Kreu i Departamentit të Mbrojtjes Civile të Rajonit të Kalabrisë, Domenico Costarella, konfirmoi se janë kryer kontrolle në zonat më të afërta dhe nuk ka pasur incidente.
