Bashkimi Evropian dhe blloku i Amerikës Latine Mercosur pritet të nënshkruajnë të shtunën marrëveshjen e shumëpritur tregtare, pas miratimit nga shumica e vendeve anëtare të BE-së. Presidentja e Komisionit Evropian, Ursula von der Leyen, do të udhëtojë drejt Paraguajit për ceremoninë, duke u shoqëruar nga presidenti i Këshillit Evropian, António Costa.
Marrëveshja pritet të krijojë zonën më të madhe të tregtisë së lirë në botë, duke përfshirë rreth 700 milionë konsumatorë.
Brukseli e konsideron këtë një fitore të rëndësishme gjeopolitike, në një kohë kur po rritet ndikimi ekonomik i Kinës në Amerikën Latine dhe sfidat nga politika tarifore e Shteteve të Bashkuara.
Mercosur përfshin Paraguajin, Argjentinën, Brazilin dhe Uruguain.
