Reshjet e dendura të borës kanë shkaktuar probleme të shumta në disa njësi administrative të Qarkut Dibër. Prej ditës së djeshme, në shumë zona mungon energjia elektrike.
Në qytetin e Peshkopisë, trashësia e borës arrin rreth 20 centimetra.
Rruga Peshkopi–Kukës kalohet vetëm me zinxhirë dhe me vështirësi të mëdha.Rruga Peshkopi–Tiranë është e qarkullueshme pa zinxhirë. Në të gjithë qarkun, strukturat përkatëse po vijojnë punën për pastrimin dhe hapjen e rrugëve rurale.
