I ftuar në emisionin “5 Pyetjet” nga Babaramo, politologu Ilir Alia analizoi situatën në Iran. Ai theksoi se shumica e popullsisë është e lehtë për t’u manipuluar dhe se ekonomia dhe pushteti janë të kontrolluara nga Rojet e Revolucionit.
“Shumica e popullsisë së Iranit është e lehtë për t’u manipuluar, kryesisht për shkak të nivelit të ulët të informacionit dhe përbërjes rurale. Rreth 80% e ekonomisë kontrollohet nga Rojet e Revolucionit, ndërsa vetëm 20% i përket tregtarëve të vegjël. Këta roje janë të organizuar në shtresa që mbulojnë çdo aspekt të jetës, nga policia lokale deri te ushtria, gjë që u jep atyre fuqinë për të ruajtur kontrollin dhe për të thyer rezistencën e mundshme”, tha Alia.
