I ftuar në emisionin “5 Pyetjet nga Babaramo”, ambasadori Ronald Bimo foli në lidhje me situatën në Iran, duke theksuar se zhvillimet aktuale nuk mund të kuptohen pa analizuar interesat globale, veçanërisht rolin e naftës dhe balancat e ekonomisë botërore.
“Për të kuptuar se çfarë po ndodh realisht në Iran, duhet të ngjitesh disa shkallë më lart në analizën globale. Çështja themelore është kush kontrollon naftën dhe kalimi nga sistemi i petrodollarit. Kjo është në thelb baza e ekonomisë botërore. Konflikti është i madh dhe është thelluar që nga ardhja e Donald Trump në pushtet. Momenti aktual është jashtëzakonisht delikat, ndërsa situata e brendshme politike në SHBA është problematike. Irani futet në këtë kuadër më të gjerë, ku vullneti i amerikanëve për të ndryshuar regjimin është një faktor kyç. Situata në Iran është e komplikuar dhe mbetet për t’u parë nëse SHBA do të vendosë të ndërhyjë apo jo. Irani është në një rol qendror në këtë zhvillim.”
