Një sherr ka ndodhur në një lokal në Lezhë, ku kanë mbetur të plagosur Nikolin Marku dhe kushëriri i tij, Gj. M. Sipas policisë, rreth orës 12:30, dy kushërinjtë janë konfliktuar me Gëzim Ndokën, vëllain e ish-deputetit të PS-së, dhe djalin e tij, K. N., për motive të dobëta.
Pas incidentit, Marku dhe kushëriri i tij janë dërguar për mjekim dhe kanë paraqitur ankesa se Ndoka dhe djali i tij ishin të armatosur.
Policia ka nisur kërkimet për kapjen e dy të dyshuarve dhe vijon hetimin për zbardhjen e rrethanave të ngjarjes.
Lezhë/Informacion paraprak
Si pasojë janë dëmtuar shtetasit Gj. M. dhe N. M., të cilët pasi kanë marrë asistencën e nevojshme mjekësore, janë paraqitur në ambientet e Komisariatit, ku kanë pretenduar se shtetasit G. N. dhe K. N. kanë qenë të armatosur.
Vijojnë kërkime intensive për kapjen e shtetasve G. N. dhe K. N., si dhe një grup i posaçëm hetimor po punon në drejtimin e Prokurorisë së Lezhës, për të zbardhur dhe dokumentuar të gjitha rrethanat e këtij rasti.
