Kina tha të hënën se do të mbronte “me vendosmëri” interesat e saj pasi Presidenti Donald Trump tha se Shtetet e Bashkuara do të vendosnin tarifa prej 25% për çdo vend që bën biznes me Iranin, ku janë zhvilluar protesta të mëdha antiqeveritare.
“Ne gjithmonë kemi besuar se nuk ka fitues në një luftë tregtare dhe Kina do të mbrojë me vendosmëri të drejtat dhe interesat e saj legjitime”, tha zëdhënësja e Ministrisë së Jashtme Mao Ning në një konferencë të rregullt informuese.
Njoftimi, i bërë nga presidenti i SHBA-së të hënën, ka të ngjarë ta godasë rëndë Kinën, partnerin kryesor tregtar të Iranit .
Mao Ning përsëriti se Kina kundërshton çdo veprim ushtarak të SHBA-së në Iran.
I pyetur për sigurinë e shtetasve kinezë në Iran dhe turistëve kinezë që vizitojnë vendin, Mao tha se Pekini po “monitoronte nga afër zhvillimin e situatës”. “Ne do të marrim të gjitha masat e nevojshme për të mbrojtur sigurinë e shtetasve kinezë”, tha ajo./ Protothema
