Presidentja e Komisionit Evropian, Ursula von der Leyen, ka theksuar rëndësinë e respektimit të vullnetit të banorëve të Groenlandës, duke nënvizuar rolin e Bashkimit Evropian dhe NATO-s në këtë çështje.
Ajo u shpreh se dialogu i vazhdueshëm me qeverinë daneze është çelësi për sigurimin e autonomisë dhe stabilitetit të ishullit.
“Groenlanda i përket popullit të saj. Ne jemi në kontakt të vazhdueshëm me qeverinë daneze për këtë çështje dhe duam të sigurohemi që çdo vendim të reflektojë vullnetin e banorëve. Së dyti, Groenlanda është pjesë e NATO-s dhe e dimë që Aleanca integron interesat e ndryshme të aleatëve të saj. Është e rëndësishme që banorët të dinë se Bashkimi Evropian respekton plotësisht autonominë e tyre dhe mbështet stabilitetin në këtë rajon,” tha presidentja e Komisionit Evropian Ursula von der Leyen.
