38-vjeçari Altin Ndoci është larguar mesditën e së martës nga Spitali i Durrësit, pas përfundimit të trajtimit mjekësor.
Policia u njoftua menjëherë dhe ka vënë në lëvizje strukturat për lokalizimin e tij.
Hetimet e para tregojnë se Drejtoria e Burgjeve nuk kishte njoftuar policinë për shoqërimin e Ndocit, ndryshe nga raste të tjera të ngjashme.
Pamjet e kamerave të sigurisë tregojnë se ai ka përdorur një automjet tip “Audi A7” dhe ka kaluar në zonën e Spitallës, më pas në Shënavlash dhe në autostradë, me dyshim se është drejtuar drejt Tiranës.
Policia vijon kërkimet për kapjen e tij dhe rikthimin në institucionin korrektues.
