Analisti politik, Ergys Mërtiri, ka reaguar ashpër pas zhvillimit të dy takimeve të rëndësishme brenda Partisë Demokratike, një nga Sali Berisha në Kombinat dhe tjetri nga Ervin Salianji në Lezhë.
Mërtiri e ka cilësuar situatën si një “dramë brenda partisë”, ku manovrat e liderëve të PD-së janë bërë të qarta për publikun.
Në një postim në rrjetet sociale, Mërtiri ka komentuar se, teksa Salianji po zhvillonte takimin e tij në Lezhë, Berisha ka lajmëruar një foltore emergjente në Kombinat në të njëjtën orë.
Sipas analistit, kjo lëvizje e Berishës është një tentativë për të “dubluar” takimin e Salianjit, duke i marrë kështu kohën televizive dhe duke mbajtur vetë më shumë hapësirë mediatike.
