Nga data 5 deri më 15 janar, të paktën 127 të burgosur, përfshirë tre gra, janë ekzekutuar në Iran, njoftoi Sekretariati i Këshillit Kombëtar të Rezistencës së Iranit (NCRI).
Ekzekutimet masive po vazhdojnë paralelisht me shtypjen e dhunshme të protestave në disa qytete të vendit.
NCRI akuzon regjimin iranian për përdorimin e dënimeve me vdekje si një mjet frikësimi për të ndaluar zemërimin popullor dhe për të ruajtur pushtetin.
Në deklaratë theksohet se udhëheqësi suprem i Iranit, Ali Khamenei, po intensifikon dhunën ndaj protestuesve, sidomos ndaj të rinjve, por opozita iraniane beson se këto masa vetëm sa forcojnë vendosmërinë e qytetarëve për ndryshime politike.
Organizatat ndërkombëtare për të drejtat e njeriut po ngritin shqetësime serioze për shkeljet e të drejtave themelore të njeriut në vend.
