Kreu i PD-së Sali Berisha, sot mbajti fjalën në foltoren e radhës për demokratët në sheshin përpara kryeministrisë.
Berisha tha se shqiptarët po presin 24 janarin si ditën e tyre, si të vërtetën e madhe.
“Secili nga ne këtë javë të bëjë gjithcka, të mos i mungojë Shqipërisë dhe lirisë më 24 janar, të mos i mungojë dinjitetit njerëzor më 24 janar. Mbarë bota po pret fjalën tonë, zërin tonë, guximin tonë, veprimin tonë.
Sali Berisha: Ka tejkaluar çdo lloj norme, cdo lloj morali, cdo lloj sjellje, shqiptarët po presin me padurim revoltën, kryengritjen paqësore, përballjen dhëmb për dhëmb me këtë regjim, fitoren e opozitës.
Ta bëjmë natën ditë këtë javë, të trokasim në cdo votër dhe në cdo derë, në cdo zemër në Tiranë e kudo, sheshet dhe rrugët e kryeqytetit të shndërrohen në triumfin e opozitës.
