Kreu i Partisë Demokratike, Sali Berisha, ka komentuar ftesën e Presidentit të SHBA-së, Donald Trump, për Shqipërinë në Bordin e Paqes, duke thënë se nuk ka informacion për këtë çështje.
Ai shtoi se ky veprim nuk forcon pozicionin ndërkombëtar të kryeministrit Edi Rama, duke theksuar se, përkundrazi, Rama vazhdon të mbetet një figurë e diskredituar ndërkombëtarisht për të, për shkak të lidhjeve të tij me krimin.
“Me aq sa di unë, ftesa për Bordin e Paqes, i është shpërndarë shumë vendeve. Presidenti Trump ka ftuar vendet, në Shqipëri shefi i ekzekutivit nuk është presidenti, kështu që ftesa i takon kryetarit të qeverisë. Ky është komenti im. Ju mendoni se kjo forcon pozicionin ndërkombëtar të Edi Ramës? Jo, Edi Rama mbetet një narkodiaktor, fatkeqësisht është njëri që përfaqëson Shqipërinë,” u shpreh Berisha.
