Jared Kushner, dhëndri i presidentit Donald Trump, ka mbërritur sot në Vlorë për një vizitë zyrtare, së bashku me bashkëshorten e tij, Ivanka Trump, dhe një delegacion të shoqëruar.
Ata janë takuar në zonën e Ujit të Ftohtë me një studio arkitekturore për të diskutuar mundësitë e zhvillimit dhe realizimin e projekteve investuese në Ishullin e Sazanit, një nga vendet më të diskutuar për zhvillime strategjike në Shqipëri.
Vizita e Kushner është pjesë e interesit të tij për të eksploruar mundësitë për investime në disa nga zonat me potencial të lartë turistik dhe zhvillim ekonomik, siç janë Ishulli i Sazanit dhe Zvërneci.
Të dy këto zona janë identifikuar vitet e fundit si hapësira të rëndësishme për projekte strategjike që mund të sjellin përfitime të mëdha për ekonominë lokale dhe kombëtare.
