Lirohet nga burgu Taulant Tusha. Tusha akuzohet për aferën “5D” por gjykata e Posaçme ndryshoi vendimin nga arrest me burg në arrest shtëpie duke e liruar nga qelia. Vendimi u mor nga gjyqtarja Iliriana Olldashi.
Taulant Tusha ka mbajtur disa poste në bashkinë e Tiranës nën drejtimin e Erion Veliajt, mes tyre të Drejtorit të Shërbimeve Mbështetëse në Ministrinë për Çështje Sociale dhe Rinisë, Drejtor i Punëve Publike në Bashki, por ka drejtuar edhe Bordin Drejtues të Ujësjellësit të Tiranës.
Taulant Tusha është kallëzuar penalisht për çështjen e inceneratorit të Tiranës, nga përfaqësuesit e opozitës në Komisionin Hetimor Parlamentar, të ngritur për aferën e Djegësve. Po ashtu, Aleanca për Mbrojtjen e Teatrit e ka Taulant Tushën në listën prioritare të të kallëzuarve për shkatërrimin e Teatrit Kombëtar.
