Kreu i Partisë Demokratike, Sali Berisha, ka shpërthyer me akuza të ashpra ndaj kryeministrit Edi Rama dhe zv/kryeministres Belinda Balluku.
Gjatë një konference për mediat, Berisha theksoi se fati i Ramës është tërësisht i lidhur me ndikimin e Ballukut, të cilën ai e cilësoi si një figurë të pushtetshme që ka krijuar një situatë të pazakontë dhe një presion të fortë ndaj institucioneve të drejtësisë.
Sipas Berishës, Rama është tërësisht i varur nga Balluku, që sipas tij, i ofron mbështetje të pandërprerë në çdo moment të vështirë.
“Fati i Edi Ramës është në galloshet e Lubi Ballukut. Ai përcaktohet tërësisht nga ajo. Kjo ka krijuar një situatë të paimagjinueshme, një presion të gjithanshëm banditesk, publik dhe privat, ndaj Gjykatës Kushtetuese. Rama kërkon me çdo kusht të mbrojë Ballukun, pasi ajo, i garanton mbështetje edhe për të nëse ndodhet në vështirësi.”
