Garancitë e sigurisë për Ukrainën kanë qenë një nga pikat kryesore të negociatave midis Ukrainës, Rusisë dhe Shteteve të Bashkuara.
Ukraina dëshiron angazhime të forta se, nëse arrihet një marrëveshje paqeje, aleatët e saj do të ndihmojnë në parandalimin e çdo pushtimi të mundshëm të Rusisë në të ardhmen.
Zelensky e ka theksuar vazhdimisht faktin se Kievi ka nevojë për garanci sigurie nga SHBA-ja përpara se të merret ndonjë vendim për çështjet e tjera të diskutueshme, siç është territori.
Mbretëria e Bashkuar dhe Franca janë zotuar tashmë të dërgojnë disa trupa në Ukrainë në “qendra ushtarake” në rast të një armëpushimi, si pjesë e të ashtuquajturit “Koalicion i të Gatshmëve”.
Më 29 dhjetor, Zelensky njoftoi se SHBA-të i kishin ofruar Ukrainës garanci sigurie “për 15 vjet” pas bisedimeve mbi një plan të rishikuar paqeje në Florida.
Presidenti ukrainas tani thotë se dokumenti është “i përfunduar”. Megjithatë, ai ende nuk është bërë publik ose nuk është ratifikuar nga parlamentet përkatëse./ BBC
