Ka përfunduar seanca në Gjykatën Kushtetuese për shqyrtimin e masës së sigurisë të vendosur ndaj zëvendës kryeministres Belinda Balluku, e cila është “pezullimi i ushtrimit të detyrës publike”, një vendim i marrë nga Gjykata e Posaçme.
Seanca u mbajt pas ankimimit të kryeministrit Edi Rama, i cili ka pretenduar se vendimi për pezullimin e Ballukut ka shkelur kompetencat e tij si kryeministër, duke theksuar se vetëm ai ka të drejtë të marrë vendime të tilla në lidhje me funksionimin e administratës shtetërore.
Gjykata Kushtetuese do të shqyrtojë më tej këtë çështje, duke vendosur nëse do të pranojë ankimin e Ramës dhe të ndryshojë vendimin e mëparshëm.
