Një reagim në rrjete sociale ka ardhur nga drejtori i hetimeve tatimore, Anton Martini, pasi qarkullojnë disa lajme në media, qe permendin emrin e tij ne skandalin e hackerimit te emaileve te SPAK.
Reagimi i plote i Martinit
“Në lidhje me përmendjen dashakeqe të emrit tim në disa shkrime të publikuara sot, që më lidhin me çështjen e daljes së disa akteve nga email-i i Prokurorisë së Posacme, sqaroj se nuk kam pasur dhe nuk kam asnjë dijeni për këtë fakt, në asnjë rrethanë.
Për këtë arsye, kam kontaktuar edhe prokurorin e çështjes, të cilit i shpreha shqetësimin tim lidhur me këto shpifje të pabazuara.
Gjithashtu, si ish-koleg i tyre, shpreh mbështetjen time të plotë për punën dhe integritetin e Prokurorisë së Posacme”, sqaron në reagimin e tij drejtori i Hetimit Tatimor, Anton Martini
