Ekonomia shqiptare ka vazhduar të rritet gjatë vitit 2025, duke shënuar një rritje pozitive të Prodhimit të Brendshëm Bruto, stabilitet fiskal dhe një përmirësim të klimës së biznesit.
Ministrja e Ekonomisë, Delina Ibrahimaj, theksoi se sektori privat ka pasur një aktivitet në rritje, pavarësisht sfidave gjeopolitike.
“Ekonomia shqiptare gjatë vitit 2025 ka treguar stabilitet, aktiviteti i sektorit privat ka vijuar të rritet dhe kemi një klimë biznesi që nxit investimet. Prodhimi i Brendshëm Bruto për tremujorin e tretë u rrit me 3.75%, normë më e lartë se mesatarja e BE dhe rajonit. Inflacioni është rritur me 2.2%, normë brenda targetit prej 3% të Bankës së Shqipërisë.” Ajo gjithashtu shtoi se “Borxhi publik ka vijuar të ulet dhe për tremujorin e tretë ishte 53.4%. Ky nivel borxhi garanton stabilitet makroekonomik dhe hapësira për të hartuar politika fiskale që të nxisin më tej rritjen ekonomike.”
