Ivanka Trump ka realizuar një vizitë dyditore në Vlorë dhe Zvërnec, ku ka ndarë pamje të bukurive natyrore të këtyre zonave, përfshirë peizazhin bregdetar dhe ishullin e Sazanit.
Në fotot dhe videot e shpërndara në rrjetet sociale, ajo ka shfaqur pamje të detit dhe gjelbërimit, duke shoqëruar ato me këngën shqiptare “Luleborë”.
Gjatë vizitës, Ivanka Trump u takua me kryeministrin Edi Rama, ku zhvilluan një takim informal në Vlorë dhe më pas darkuan në Orikum me një grup arkitektësh.
Kjo vizitë është pjesë e një iniciative për zhvillimin e Ishullit të Sazanit dhe rrethinës së Zvërnecit, një projekt që pritet të sjellë përmirësime në infrastrukturën dhe turizmin e zonës.
