Kryebashkiaku i Tiranës, Erion Veliaj, ka depozituar një kërkesë-padi në Gjykatën Administrative të Shkallës së Parë Tiranë, duke kërkuar shpalljen e pavlefshmërisë absolute të dekretit të emërimit të prokurorit Ols Dado, i cili ishte emëruar si prokuror nga një noteri në vitin 2008.
Veliaj argumenton se ky emërim ishte në kundërshtim me ligjin, pasi Dado nuk kishte përfunduar Shkollën e Magjistraturës, e cila ishte një kërkesë e detyrueshme për të ushtruar funksionin e prokurorit.
Në padinë e tij, Veliaj kërkon që Këshilli i Lartë i Prokurorisë të detyrohet të marrë një vendim për përfundimin e statusit të magjistratit të Dado dhe për pezullimin e detyrës së tij si prokuror, duke theksuar se të gjitha veprimet penale ndaj tij janë mbështetur në një akt të pavlefshëm që ka shkaktuar pasoja të rënda për Bashkinë e Tiranës dhe institucionet e tjera.
