Mijëra mbështetës të presidentit të rrëzuar të Venezuelës, Nicolás Maduro, protestuan në Karakas të premten, duke kërkuar lirimin e tij dhe të bashkëshortes së tij, të cilët u kapën gjatë një operacioni ushtarak amerikan më 3 janar. Protesta u mbajt në përvjetorin e 68-të të rënies së diktaturës së Marcos Pérez Jiménez, e cila shënoi periudhën 1948-1958.
Presidentja e përkohshme e Venezuelës, Delcy Rodríguez, ka kërkuar forcimin e marrëdhënieve me Shtetet e Bashkuara, por vazhdon të kërkojë kthimin e Maduro-s dhe bashkëshortes së tij, të cilët janë të mbajtur në burg në SHBA. Në një pankartë të vendosur në sheshin O’Leary të Karakasit shkruhej: “Duam të kthehen në atdhe”.
Marlene Blanco, një kontabiliste 65-vjeçare, e cilësoi arrestimin e Maduro-s si “të paligjshëm” dhe “të padrejtë”, duke shtuar se nafta e Venezuelës duhet të paguhet siç duhet, në një referencë ndaj përpjekjeve të presidentit amerikan, Donald Trump, për të kontrolluar rezervat e mëdha të naftës së vendit.
Ministri i Brendshëm, Diosdado Cabello, e cilësoi si një “triuf të madh” kthimin e Maduro-s dhe bashkëshortes së tij, duke siguruar mbështetje të plotë për presidenten e përkohshme, Delcy Rodríguez, nga partia në pushtet.
