Sfida e Superligës mes KF Tiranës dhe Flamurtarit nisi me një minutë heshtje, në nderim të Irina Alvarez, vajzës së futbollistit të Tiranës, Freddy Alvarez, e cila humbi tragjikisht jetën pas një incidenti në banesë.
Tifozët dhe lojtarët e dy skuadrave u preken emocionalisht, ndërsa “Tirona Fanatics” kishin përgatitur një banderolë për vogëlushen, që do të mbushte 10 vjeç këtë vit.
Irina, e cila kishte jetuar në Tiranë vetëm për tre javë, dyshohet se ra nga krevati i katit të dytë dhe pësoi lëndime fatale.
Ndeshja u shty për 24 orë pas dakordësisë mes klubeve për të nderuar kujtimin e saj.
