Sekretari i Përgjithshëm i Partisë së Lirisë, Tedi Blushi, kritikoi ashpër qeverinë gjatë një fjalimi në Kuvend, duke e akuzuar për politika që godasin shtresat më të varfra dhe favorizojnë të pasurit, ndërsa theksoi rritjen e pakënaqësisë sociale.
“Një qeveri që takson bukën e gojës, qumështin, vezën, ushqimet e shportës me 20% dhe që takson me 0% oligarkët, investitorët strategjikë, a është një qeveri e drejtë dhe a është një qeveri sociale? Sigurisht që lakmia juaj për të vjedhur është më e madhe se dëshira për të ndihmuar të varfrit, por përmbysja juaj do të vijë pikërisht nga protestat e të varfërve, të cilët me lugë dhe pirun bosh do t’ju trokasin në duar. Populli nuk mund të jetojë me rritje simbolike dhe premtime boshe, ndërsa ju vazhdoni të shpenzoni luks dhe të përfitoni nga pushteti, duke harruar nevojat reale të qytetarëve.”
