Në një deklaratë të ashpër në Kuvend, kryetari i Grupit Parlamentar të Partisë së Lirisë, Tedi Blushi, kritikoi ashpër shumicën parlamentare për mos përfaqësimin e interesave të qytetarëve.
Ai theksoi se propozimi i opozitës për uljen e TVSH-së në 5% për ushqimet bazë ishte një mundësi për Kuvendin të tregonte se nëse përfaqëson qytetarët e thjeshtë, apo një pakicë të interesave klienteliste dhe kriminale.
“Grupi Parlamentar i Partisë së Lirisë i dha sot mundësinë këtij Parlamenti të dëshmonte nëse është Parlamenti i shqiptarëve apo është Parlamenti i një pakice që jo vetëm nuk përfaqëson vullnetin e shumicës dërrmuese të shqiptarëve, por përkundrazi, përfaqëson interesat klienteliste kriminale vetëm të një pakice që ka marrë peng shtetin dhe të ardhmen e shqiptarëve.”
