Ministri i Drejtësisë, Besfort Lamallari, ka reaguar ndaj deputetëve të opozitës duke theksuar se ata mund të bëjnë kallëzime sa të duan, por do të mbajnë përgjegjësi për shpifjet që bëjnë.
Lamallari ironizoi opozitën për shqetësimet e ngritura mbi dekriminalizimin e shpifjes, duke i kujtuar se mundësitë për të marrë “flamurin” kanë qenë aty, por nuk janë shfrytëzuar.
“Është Ministria e Drejtësisë që komunikon me Komisionin Europian. Keni mundësi shumë vite ta merrni flamurin, por nuk e morët. Keni merakun, meqë u hap kjo e dekriminalizimit të shpifjes, po për gazetarët, përfitojmë edhe ne. Dy gjëra na kanë ngelur, ose shpifja ose gjysmë kallëzimet. Për shpifjet, jo, do të mbani përgjegjësi,” theksoi Lamallari.
