Kreu i Partisë Demokratike, Sali Berisha, zhvilloi një takim me Presidentin e Asamblesë Parlamentare të Këshillit të Europës, Theodoros Roussopoulos, i cili është në prag të përfundimit të mandatit të tij.
Gjatë bisedës, Berisha theksoi kontributin e rëndësishëm të Roussopoulos gjatë udhëheqjes së Asamblesë, duke e cilësuar atë një mik të çmuar dhe një mbështetës të madh të forcimit të marrëdhënieve ndërkombëtare.
“Me Presidentin e Asamblesë Parlamentare të Këshillit të Europës, mikun tonë të çmuar Z. Theodoros Roussopoulos, i cili dorëzoi detyrën pas drejtimit të suksesshëm për dy mandate. I shprehëm mirënjohjen për të gjithë mbështetjen e tij dhe angazhimin për avancimin e vlerave evropiane dhe përpjekjet e tij për forcimin e bashkëpunimit ndërkombëtar.”
