Presidenti i Shteteve të Bashkuara, Donald Trump, thuhet se po shqyrton mundësinë e ndërmarrjes së sulmeve ushtarake në shkallë të gjerë kundër Iranit, pas dështimit të bisedimeve lidhur me programin bërthamor të Teheranit. Lajmi është raportuar nga CNN, duke cituar burime të informuara pranë administratës amerikane.
Sipas këtyre burimeve, kontaktet e fundit diplomatike nuk kanë sjellë përparim në uljen e tensioneve mes dy vendeve. Edhe gazeta New York Times kishte raportuar më herët se java e fundit e negociatave nuk ka prodhuar rezultate konkrete, pasi Irani vijon të refuzojë kërkesat e paraqitura nga presidenti amerikan.
Dështimi i dialogut diplomatik ka rritur shqetësimet për një përshkallëzim të mundshëm të situatës në Lindjen e Mesme, ndërsa Uashingtoni po vlerëson opsione të ndryshme për t’iu përgjigjur qëndrimit të Teheranit.
