Pas kthimit nga Strasburgu, kryetari i PD-së, Sali Berisha foli për takimet që realizoi dhe informimin që sipas tij kishte bërë atje për situatën në Shqipëri dhe deklaroi se shumë shpejt do të jetë protesta e radhës. Akuzoi se Edi Rama po poshtëron Gjykatën Kushtetuese me dosjen Balluku.
“Pritej nga miqtë tanë në Strasburg po me aq insistim sa pritet nga opozitarët shqiptarë. Dënoj aktin që Edi Rama bllokoi parlamentin dhe nuk lejoi shqyrtimin e dosjes. Shqiptarët do të flasin shumë shpejt me protestën më të fuqishme në ditët në vijim.
Ftoj opozitën ta vazhdojmë këtë rrugë deri në fitoren tonë. Edi Rama po tërheq zvarrë dhe poshtëron Gjykatën Kushtetuese. Por të gjithë e kanë kuptuar se Edi Rama ka hallin e vet dhe jo të Ballukut. Por ajo (Balluku) nuk pranon të bëhet ‘kurban’ për Ramën” tha ai.
