Një tentativë për të futur substanca narkotike në Qendrën Korrektuese të Dubravës është parandaluar më 2 shkurt, kur autoritetet kanë arrestuar një gardian të dyshuar për kontrabandë.
Gardiani me inicialet S.D. u ndalua gjatë një kontrolli të qëllimshëm në hyrje të burgut, ku iu gjetën substanca të dyshuara narkotike të fshehura.
Hetimet e mëtejshme sugjerojnë se substancat ishin destinuar për të hyrë ilegalisht në ambientet e burgut.
Pas arrestimit, Policia e Kosovës dhe Prokurori i Shtetit janë angazhuar për trajtimin e rastit, ndërsa Shërbimi Korrektues i Kosovës ka marrë masa disiplinore ndaj gardianit, duke e pezulluar atë nga detyra.
