Kreu i Grupit Parlamentar të PS-së, Taulant Balla, ka folur sot në Këshillin Kombëtar të Integrimit Europian për rëndësinë e ligjit të ri për ushqimin dhe përpjekjet e Shqipërisë për të ndërtuar një sistem të qëndrueshëm dhe modern të sigurisë ushqimore.
Balla u shpreh optimist për ritmin e negociatave me Bashkimin Europian dhe theksoi angazhimin për të përshpejtuar përgatitjet për anëtarësim.
“Ligji i ri për kontrollin ushqimor dhe reformimi i legjislacionit për ushqimin janë hapa të rëndësishëm për të ndërtuar një sistem të sigurisë ushqimore që përmbush standardet europiane. Shqipëria është në drejtimin e duhur, por është e nevojshme të shpejtojmë këtë proces, pasi siguria ushqimore është gjithashtu pjesë e sigurisë kombëtare. Mbi të gjitha, ky është një prioritet i procesit të integrimit tonë në BE.”
