Presidenti amerikan, Donald Trump, ka njoftuar se SHBA janë në negociata me Iranin, pas deklaratës të bërë në Zyrën Ovale. Ky zhvillim vjen pas thirrjeve të presidentit iranian për hapjen e dialogut, veçanërisht për çështjen bërthamore.
Ndërkohë, tensionet mbeten të larta në rajon. Një incident ushtarak ka ndodhur në Detin Arabik, ku një avion luftarak amerikan ka rrëzuar një dron iranian pas një manovre të tij agresive pranë aeroplanmbajtëses amerikane USS Abraham Lincoln. Ushtria amerikane deklaroi se droni, i tipit Shahed-139, injoroi paralajmërimet e deeskalimit dhe iu afrua anijes në mënyrë të rrezikshme. Pas ngjarjes, autoritetet amerikane theksuan se nuk pati viktima apo dëme materiale.
Komandat amerikane të Qendrës të Komandës (CENTCOM) njoftuan se veprimet e Iranit në ujëra dhe hapësira ajrore ndërkombëtare nuk do të tolerohen, duke theksuar se ngacmimet mund të çojnë në rrezik përplasje dhe destabilizim të mëtejshëm të rajonit.
