Gjykata e Gjirokastrës ka lënë në masën e sigurisë “arrest shtëpie” Ermal Matajn lidhur me vrasjen e 30 vjeçarit Endri Goxhaj në qëndrën e Memaliajt.
Dyshohet se Mataj ka fshehur armën me të cilën është vrarë Endri Goxhaj.
Hetimet kanë treguar se ngjarja ka nisur nga një konflikt i çastit mes viktimës dhe të plagosurit, ku Endri Goxhaj ka shtënë me armë ndaj Nelës duke e plagosur.
Më pas dy vëllezërit Donaldo Nela dhe Marioldo Nela, të shpallur në kërkim, dyshohet se kanë qëlluar me armë zjarri në drejtim viktimës, i cili, si pasojë, ka humbur jetën gjatë transportimit në spital.
Deri më tani policia ka vënë në pranga 3 persona ndërsa dy vëllezërit Nela janë shpallur në kërkim.
