Banorët e fshatit Rrjoll, në Velipojë, kanë vazhduar protestën e tyre kundër ndërtimit të një resorti turistik në zonën e tyre, duke e zhvendosur këtë herë atë para godinës së Prokurorisë së Posaçme (SPAK) në kryeqytet.
Ata kërkojnë hetim të plotë dhe drejtësi për pretendimet e tyre, duke theksuar se ky projekt ndërtimi dëmton pronat dhe territorin e tyre.
Ata mbajtën pankarta dhe thirrje si “Besojmë te SPAK, duam drejtësi!” dhe “Kërkojmë pronat tona!”. Protestuesit e akuzojnë zv/kryeministren Belinda Balluku për firmosjen e lejes së ndërtimit dhe kërkojnë që SPAK të hetojë abuzimet e mundshme.
